Igartza gara
Igartzaren arima 56 profesionalek osatutako lantaldea da, helburu komun bati segika elkarrekin lan egiten dugun 56 profesional.
Konpromisoa, motibazioa eta eguneroko ahalegina dira gure egunerokoaren parte.
Une honetakoa ez ezik, etorkizuneko proiektua ere bada gurea pertsonentzat.
Gure 56 pertsonako familia txikian, 15 lagun talde komertzialeko kide dira. Elikaduraren sektoreko 15 profesional dira, 20 ibilbideren gaineko ardura duten 15 profesional. Guztira 2.500 bezero kudeatzen dituzte, aholkularitza eskainiz, une oro tratu pertsonalizatu adeitsua eta arretatsua emanez.
Balioak
Erantzuna gara
Zure konfiantzazko bazkidea gara. Izan ere, hornitzaile soil bat baino, Igartza lankide bat gehiago da. Bezero bakoitzarengana heltzen gara, txoko bakoitzera, behar bakoitzera, une oro.
Sormena gara
Hausnarketan oinarritutako jakin-mina da gurea. Kemenak eta trebeziak bat egiten dutenean, sormen bilakatzen dira. Igartzan argi dugu: aldatzea, aurrera egitea, ez geratzea da kontua. Bai eta sormena, eguneroko ahalegina eta ezagutza oinarri hartuta egitea ere, bezero bakoitzari irtenbiderik onena eskainiz.
Energia gara
Guztiok bat beti. Igartza bizirik egotea da, aurrera egiteko gogoa izatea da, gaur eta bihar. Adiskidetasuna, motibazioa, anbizioa da; berrelikatu egiten gaitu, egunero lankide hobe egiten gaitu, egun bakoitza aurrekoa baino hobea izan dadin ahalegintzera eramaten gaitu, Igartza hobe bat sortzera.
Gastronomia gara
Kultura baten parte gara. Dagoeneko 35 urte baino gehiagoko ibilbidea egin dugu elikaduraren sektorean eta horrek eragin eta presentzia nabarmena ematen dizkigu Gipuzkoako sukaldaritzaren merkatuan. Autoexijentzia, profesionaltasuna eta etengabeko bilakaera ikur izan dituen 35 urteko gure ibilbideak bezeroentzako apustu seguru bilakatu gaitu.
Mugarri nagusiak
1988: JAIOTZA
Donostiako Martutene auzoan jaio zen Igartza, HORECA kanalarentzat izoztutako produktuen enpresa banatzaile gisa.
1992: SENDOTZEA
Berrikuntzak eta gure lanak emandako bultzadak erreferente bihurtu gintuen sektorean. Aurresalmenta abiatu genuen, saltzaile komertzialaren figuraren eskutik.
1998: LIDERGOA
Egoitza berria ireki genuen Lezon, fakturazio-bolumenean Gipuzkoako enpresa txiki eta ertain lider bilakatuta. CARIGEL talderekin lanean hasi ginen, gure erreferentziak nabarmen areagotuz.
1998-2002: GARAPENA
Erosketa-zentral bat sortu genuen, EAEko bi enpresak eta Nafarroako batek osatutakoa.
2003-07: ZABALKUNDEA
Txinako merkatua ezagutzeko azterketa egin genuen, taldearentzat produktuak zuzenean inportatzea helburu hartuta. Espainiako beste banatzaile batzuei produktuak saltzen hasi ginen.
2007-18: HAZKUNDEA
Enpresaren hazkundearen erakusle, egoitza lekuz aldatu genuen (1.700 m2), izozketa ganbera (5.000 m3), hozteko ganbera, biltegi lehorra hobetzeko asmoz. Produktu iberikoekin eta arrain freskoarekin lanean hasi ginen. Produktu eskaintza areagotu genuen. Merkatuan erabateko lidergoa lortu genuen.
2018
Bidfood taldeak enpresa erosi zuen. Bost kontinenteetan foodservice edo elikadurarekin lotutako zerbitzuak eskaintzen ditu Bidfood taldeak.
2021
Fruta eta barazki freskoak saltzen hasi ginen.
2022
Euskofriz Bizkaiko enpresa erosi genuen (10 milioi euroko fakturazioa). Nabe berri bat eraikitzeko 10.000 m2-ko lursail bat erosi genuen.
2023
Euskal Autonomia Erkidego osora hedatu zen enpresa. Nafarroan ere aurrerapauso garrantzitsua eman zuen enpresak geografikoki.
Igartzaren bihotza
Pertsonarik gabe ez dago bihotzik. Eta bihotz gabe ez dago zerbitzu onik. Igartzan pertsonek eskaintzen duten balio berdingabean, balio bereizgarrian, sinesten dugu. Lantalde osoaren eskutik jaiotzen da Igartzaren grina, ardura, eta gure bezero bakoitzarengana helarazten dugu. Hurbileko zerbitzua, fidagarria eta abegikorra eskaintzen dugu, eta horrek bezeroengana gerturatzen gaitu eta bezeroekiko harremanak estutzen ditu, epe luzeko kolaborazioak ahalbidetuz.
Zerbitzuak
Bezero bakoitzaren behar espezifikoei behar bezala erantzuteko gai garela bermatzeko, askotariko zerbitzuak eskaintzen ditugu: banaketatik hasi eta bezero bakoitzaren beharretara egokitutako aholkularitza pertsonalizatuenera arte. Igartzaren apustua bezero bakoitzari irtenbiderik onena ematea da.
Inoiz baino urrunago heltzen gara.
Gure banaketa-flota ibilgailu moderno eta eraginkorrek osatzen dute, behar bezala hornituta daudenak Euskal Autonomia Erkidego eta Nafarroa osoan gure produktu freskoak eta izoztuak baldintzarik onenetan entregatzeko. Gurpilen gaineko zerbitzu ezin hobea eskaintzen dugu.
Prestakuntza
Ikastea da etengabe aurrera egiteko modu bakarra. Gure lantaldea etengabe prestatzen dugu zerbitzu eguneratua eta berritzailea emateko gai garela bermatzeko, merkatuaren eskariarekin bat. Barne-prestakuntzako gure programak gure lantaldearen jarrera eta gaitasunak indartzeko diseinatuta daude.
